Chöi mers ufem Yys nid richte,
tue ni haut no einisch dichte:

S'geit im Hockey mängisch schnäll:
SCL gäg SCL,
hätts am Zyschtig söue heisse,
doch jetz chasch di Tickets schmeisse!

Das darf eifach nid passiere,
dass di Visper profitiere
vo grad drüüüne Eigegou!
Gopfertami nonemou!

Pögg ar Latte oder Pfoschte,
tuet üs zletscht der Sieg no choschte
do muess me am Schluss nid stuune
hei mir au e schlächti Luune.

Ou wenn d'Schiris schlächt hei pfiffe,
het dr Letscht gloub jetz begriffe,
dass me VORNE Gou muess mache,
hinge tüe di angere lache.

D'Walliser si z'letschtemänt
eifach vüu meh effiziänt.
Üsi Linie 2 bis 4
si gedanklech scho bim Bier.

Und dört ligt ou grad dr Wurm
mir hei zwar e Power-Sturm
wo doch ab und zue tuet preiche
bi de angere chasch go seiche.

So, das wärs de ou scho gsi
nach däm Post do schwige'ni
sicher für ne gwüssi Zyt
nöchscht Saison isch jo nüm wyt.

Häbet auso joo ke Chummer
i wünsche öich e schöne Summer!